Foto (zufällig)

sm2010_mat_12

SM 2008

Bericht SM Telemark Meiringen 29. Februar 2008

D`spannig stigt, d`schwizermeisterschaft Telemark stoht vor dr Tür. Gruppawiis reist der Telemarkclub vo Gstaad uf Meiringen un bezücht ihri Zimmer im Hotel Rebstock.

Nochdem jeda sini Startnummera bezoga hät, stürzemer üs hungrig ufs Znacht. I dr Haslilodge isch as Konzert agsait, das mer nuna chun chorz gnüssa. Dafür git dr DJ Fritz alles, dr Saal isch leer am halbi 1. Mir probierens no inara Rochnebeldisco, destotrotz, dia hertgsottana Telemärkler züchen sich langsam is Hotel zrugg. Tja, dia meischta!

Nachdem üsa Hotelaigna Radiowecker am 6.00 losplähret, hemmer dia erschta Attentat plahnet un verstercht als sich der Alarm am 7.00 wiederholt het. D`gstellta Natel am 7.30 het üs dr Rest gei.

Wettersituatiou Samstig? Rega i Bindfäda!

Dangg diversa vertraulicha Informanta, vomana abgsaita Renna, ischs z`morga uf spöter verschoba worda. Ma isch go laufa, lädala, usert s`Röschi, dä het wella s`Hotelzimmer voll und ganz uschoschta. Mit em Lotto hät Karin endgültig ihri Stimm verlora, laider isch si uni Priis usem spiel, wohrschinlig hät neamert ihra Lottkrächz köart. Dafür hen anderi Saaneländer spitza Prisa hai trait. Priisa, das heisst nid ötscha WC-Bürschteli oder Zaapasta, nai, Telemarkschi, Schlofsägg, Tagescharta, T-Shirts un Sherlock Holmes Bücher.

D`Apero un Pasta Party hemer wider i kompletter Manschaft bestritta. D`Party verlait sich ins Sherpa, die maischta Saanaländer Rennkanouna sin aber seriös früha is Bett. O do kai Regla uni Usnahm.

Wettersituatiou Sunntig? Rega i Bindfäda

Michi loht sich nid beiidrugga un het jeda hinderscht vöra spediert!, usser Karin die het sini Triggs scho kennt!

Vom Winde verweht vom Regen gepeischt, mir marschieren zur Talstatiou. Warta isch a gsait. Herr Luz un Herr Meier vertrieben üs Zit.

Doch ufzmol chunt d`Sunna, jetzt im Galopp Pistabesichtigung un Sprungtraining. Barbara als Startnummera 5 isch chli nervös, si het sich nid recht für an Telemarkclub chöna entscheida. Schlag uf Schlag, alli simmer hail is Ziel brauset.

As persöunligs Merci wetti Tinu ussprecha, er het gmergt, churz vor mim Start das i Schi vercheart ha a ka! O am Brändi en Dangg, üsem Starfotograf, er het sehr speditiv alli vorteilhafta Fotana dr Öffentligkait zuagänglig gmacht.

Rangverkündigung laider uni an Saanaländer ir besta Positiou, derfür isch d`Startnummeraverloasig mea üsers Ding gsi.

As uvergesslichs Wochanen isch verbei, herzliga Dangg fürs Organisatiousteam, wo dia Täg müglig gmacht hen.

Teleby Käthi

Featuring Recent Posts Wordpress Widget development by YD