Foto (zufällig)

sm2010_mat_12

Skieda 2003

La Skieda 2003 in Livigno

Einleitung

D`Telemärkler vo Gstaad hei is immer zahlrichi Story`s verzehlt, so das mier das mal hei welle miterläbe. Schiich hei mer agfrät, ob si is zwei stillä Meitscheni ächt o eis wirdä mitnäh. Und so ischs gsi…..

Tag 2

Di meischtä mit Chopfweh, zum Teil mit fählende Schlisslä fir ä Schiständer si mier ga Zmergelä. Ei Ma het grad dr ganz Tag im Bett verbracht um sech z`erhola. Aes het is ä näbliga Tag erwartet. Z`bstellä bim Znacht isch eirä schwär gfallä, immerhin hets zwei Menü ghäbe zum usläse!

Tag 3

Z`telemärkle isch eifach geil gsi, Sunnä und top Verhältnis. D`Saaneländer hei is welle leere telemärklä, derbi chei mier doch fasch als! (usert buggel Bischtä fahre und schanzäspringe……) Usipuzt ir Telemark Kleidig hei mier is ufi ids Montelino gmacht. Underwägs hei mier bekannti Gsichter vo Ovronnaz troffe. (Us unerklärliche Grind, hei si is sogar no kend). Uf em Bärg hei mer de Z`nachtet, drunkä, tanzet und gschnupft.

Tag 4

Rägä und Schnee- schoppä isch agseid. Used äs par ächti Cräcks wie z`Brüni, Kürti, Karin und Könel. Z`Brüni isch due hei, u Mike isch cho, trotz sim agschlagnigä Chneu. Fir ä Schlummerdrunk si mer ids chlinschte Pup, derna si di Chranke ids Bett, u der räschte isch id Disco ga feschte.

Tag 5

Fir bim Nostalgie Wettbewärb z`brillierä, hei mier miesä lerä irä formation zfahrä. Trotz Tinels Aleitig hets nid ganz klapt. Immerhin si mier uf em dritte Platz glandet. Mit Wurscht, Käs, Poläntä und Wie hei mier di leschtä Stunde i Livingo gnossä.

 Mit erä Verdauigsphase derzwischä hei mier is, noeis zrug erinneret und iser Idrik gschilderet.

Mir chiemtä also gärn noeis mit.

Derfä mier ächt no eis mitcho?

 Silvia und Barbara

Featuring Recent Posts Wordpress Widget development by YD