Foto (zufällig)

sm2010_mat_12

La Skieda 2001

Livigno, ja jetzt hets mi doch no verwütscht. ha scho freud käbe i chömi um z’brichtschribe um. Isch doch nüd g’si, nu halt verzelleni öich es paar momänte wa mier hei erläbt i däm livigno. Für mi als niukommer isch das es super erläbnis g’si, es richtigs abentür um es paar spinner rundum. I möchti euch nume es paar g’schichtleni verzelle, was sech so het ereignet, während dene täg in livigno

Am Mittwoch, 4. abril si mir ufproche für d’la skieda. Mier heisst erika, sidonia, süsa, ds fränzi u mini weinigkeit. z’röschi het a däm tag grad i z’groubünde müsse fahre. So het är es paar vo üs chönne bis uf foulesee mitnäh wo mier när no hei z’brändi ufgablet. Vo dert e’wäg si mier du richtig brünig gäge d’oschtschwyz g’fahre. da mu als färsehäber es g’müetlechs volk isch het mu bim heidiland die erschti rascht g’macht. Dert het sech z’röschi mit freudeträne, das är mit üs lapige nid a ne sones lengwiligs ort muess cho, verabschidet. Gäll röschi du geisch halt lieber mit dine rennhünd ga umesuele……

Entlech si mier i däm livigno acho. Z’gmüetleche hotel bezoge. Es het mi eigentlech verwunderet, das saanenländer geng no i z’gliche hotel törfe, will was i oscho so für g’schichtleni ha kört, wies da scho zue u här sig gange…….. mchch….. iher wüssts scho vo was i rede, gäll brändi…. aber öpper muess üs dert ja asyl gä.

Nach däm mier üs hei frisch g’macht u g’fenialet, het sech z’brändi erkundiget wo de die telemärkler sech ufhalte. Es het g’heisse irgendwo im täli hideri aneme lagerfür. Also ab uf z’uchi, u scho hei mier si g’funde. Es het nis aber nid lang b’halte will es isch rächt chalt g’si, es glühewin am langerfür isch no grand drinegläge, aber gli ischs scho uf zuechi gange für die nächschti bar. Mu het so chört es göngi de im daphnes pub witer. Oh mier heinis das nie la entgah…

am nächschte morge hei mir nid lang facklet. Ab uf telemarkschi……karin u dr daniele vergani wo mier am z’morgetisch hei atroffe si o mit üs uf mottolino cho. Wa ni die skipistene ha g’seh, ha nis hüper geil g’funde. Wa ni aber uf miner schi luge isch mier scho chli mulmig worde, will i bi öppa nach zweimal uf de telemarkschifahre scho mit dene cracks nach livigno g’fahre ups…. uf dr piste isch no grad e so gange, ha ni mit b’schisse mi chönne dürischla, aber d’idee vo de andere isch g’si sofort i pulverschnee, das isch ja scho e gueti idee, aber i ha telemarkschi anne u keini normale, i ha es paar mal leer g’schlück, aber was ha ni welle. I ha g’seit g’hoe oder g’schtoche jetzt muess es si. Es isch richtig geil g’si yhhhhhhaaaaaaa…… Die erschte kurfene si mier nid grad glunge, aber mit es paar tipps vo de könner isch es vo mal zu mal besser gange. U schlussendtlech hani müesse säge es isch gar nid so schwär. Mier hei dr ganz tag fascht nid gnueg übercho, aber irgendwenn hei mier doch beschlosse ufzhöre, will morn u übermorn si ja ono tage. A däm abe ha ni leider e bildriss weiss nüme so ganz wo mier si g’si……. das het aber nüd mit em alkoholzuestand z’tüe……i gloube aber dr abe hei mier inere disco verbracht wo es paar bibene hei ar stange tanzet. Nei manne si hei öppos anne käbe. Es het aber o e ma sini hüft um stange ‚ g’schwunge.

i weiss o no, das cönu het well, so um die elfi am morge da sie, doch dem war nicht so, will ne si brüeder lars het z’luzärn i sire wonig ibschlosse u das het cönu sis programm total über e hufe gworfe. Doch am abe hets o är nach livigno g’schafft. Aber lärsu eifach die brüeder so ga i’bschliesse…..das isch z’war nüd nöis, i gloube setigi g’schichtli köre eifach zum alltag vo de widmer brothers….

Am fritig hei mier di anderi site vo livigno i agriff g’no. Es isch o wieder d’schönschte wätter g’si eifach geniall. Die andere u I hei die ganzi saison nie so geuti verhältniss erläbt. O da hei mier alls gäh u die ganze pischtene usicher g’macht.

Am abe isch scho eine vo üsene höiepünkt g’si. I üsne alte klufte hei mier dr organisiert abe vo la skieda uf mottolino g’nosse. Es het es super z’nachtässe gäh. U im spätere abe e geniali bänd musig g’schpillt. Dr ganz abe hei mier umgeschwofet, tanzet wie die wilde. Meh verzelle mier nöd….. Am nächschte tag isch dr epoque day uf em programm g’stande. Wieder hei mier nis i die alte kleider g’schtürzt u si a z’organisiert apero. Sie hei fröid käbe a üs saaneländer will vo de andere gruppe isch niemer cho ussert setigi vo livigno sälber u süsch no italiäner. a däm tag het’s wieder super pulverschnee gäh, doch i gloube es isch de lüt z’wüescht g’si für vorusi. Schad will mier si nume es chlises, aber es g’müetlechst trüpeli g’si. Nach em apero hets g’heisse schi fasse u ab ga z’mittagässe uf mottolino. Mit üs si mer öppa 20 persone am z’mittagstisch itroffe. Es het würklech geniali verchleidige gäh. Nach em üppige ässe isch mu ab üf schii. I ha natürlech fascht i d’hossi g’schiffet vor lache, es hei es paar die ganz alte schii derbi käbe. Üses brändi u o süsa heisech mit alte schii eina abgmurgset, da hets luschtigi bilder gäh. Eine vo de italiener het uralti schii käbe dr schnee het so richtig am belag kläbt. Die schii si uf em schnee überhaupt nüd gloffe dä arm het die ganzi pischte müesse ahiloufe u ke normal boge chönne fahre, so hets kläpt. Nach emen fährtli ischs witer i nes andes beizli gange, wo’s e spezial drink u italienischi brötleni het gäh. Am schluss het die ganzi truppe no talfahrt uf sech gnoh. Es isch eifach dr hammer g’si, so nes genials, g’müetlechs volk.

Nach däm aschtrengende tag het sech jedes im zimmer erholt u scho gli ischs wieder ab uf d’walz gange. A däm abe nach em z’nacht het cönu no eis dr vogel abschosse. Mier si so dr strass na glüffe u cönu het g’seit. Grad hie ir nächi bchönneni e gueti bar. Mier si glüffe u glüffe u glüffe, aber nie si mier zu dere bar cho, är het aber geng g’seit jetzt chunntsi de grad, momol jetzt si mier de grad da, aber die bar isch niena g’si. Schlussentlech hei mer du e anderi oh guet u g’müetlechi bar g’funde. Die ganzi truppe isch scho es bitzeli müed g’si vo dene täg eso telemärkle isch halt a’strengend…. drum si mier no eis lokal witer, aber lang si mier da nid blibe, mier si scho chli täglet g’si. E teil vo üs isch ga lige. Z’brändi u cönu hei g’meint si müesse no witer u si no eis i die disco. Dr räschte chönnter nuch ja diche, es isch ämel frühe am morge g’si wo si si hei cho.

So dr lescht tag isch scho da. Da es am vortag het g’schnit het mu die pulverhängleni no einisch müesse ga g’niesse. Es isch wieder sensationell g’si u mis färsehäbe het sech so richtig verbesseret. Es het zwar no is zwei bis drimal g’worfe u es mal so i schnee tünklet das i grad e kes bild meh ha käbe, gäll erika. du hesch mier umi usigholtfe. Am Mittag uma hei mier üsi heimfahrt wieder ufis gno. Cheeeerioooh livigno.

I gloube das i nach dene täg herts telemarktraining im pulverschnee die erschti prüefig für e bitritt i telemarkclub ha bestande. Alli wo si mitcho u i hei alls gäh was mier hei chönne. i ha ferie scho igä, das i bir la skieda 2002 o chönnti derbie si. Ha geschter im internet gluegt u la skieda 2002 findet statt vom 06 – 14 april. I hoffe si näme mi umi mit. Jetzt wünsche allne teleho e gueta winter u ne guete bim fondue.

Sandra

Featuring Recent Posts Wordpress Widget development by YD